Impak se dienste

Dienste wat Impak aanbied.

Ondersteuningsdienste word aan ingeskrewe gesinne en sentrums verskaf.

1. Ouer- of fasiliteerdergidse bevat:
   -  werkskemas;
   -  assesseringsbeleid en riglyne;
   -  toetse, eksamens en memorandums;
   -  projekopdragte en take.
   
   
2. Impak se vakforums op Internet
   -  Leerlinge met toegang tot die Internet kan by geselekteerde vakke se forums inskakel.
   -  Forums maak gereelde kommunikasie tussen die leerling en die vakadviseur maklik en
      bekostigbaar.
   -  Die onderwyser word met behulp van forum-tegnologie in u huis of sentrum geplaas
   
   
3. Vaksteundiens
   -  Navrae ten opsigte van vakke waar daar nie vakforums beskikbaar is nie, kan per telefoon,
      faks of e-pos aan Impak se vakadviseurs gerig word.
   -  Navrae wat intensiewe en tydrowende verduideliking verg, word as 'n ekstra les beskou.
   -  U mag met vakadviseurs onderhandel om teen 'n addisionele fooi ekstra klasse aan te
      bied of nasienwerk te verrig.
   
   
4. Assesseringsdiens en rapporte graad 1 tot 11
   -  Impak stel jaarliks 'n formele eindeksamen vir graad 1 tot 11 op en sien die
      antwoordstelle tydens die gegewe nasienvenster na.
   -  Hierdie eindeksamen tel 75% van die finale rapportpunt.
   -  Ouers en sentrums stuur die jaarpunte (deurlopende assessering of Dass), wat 25% tel,
      op puntestate in.
   -  Jaarpunte word verkry deur kwartaal 1, 2 en 3 se toetsuitslae en projekpunte in berekening
      te bring.
   -  Kwartaal 1, 2 en 3 se toetse, met memorandums, en die projekopdragte word in die ouer-
      of fasiliteerdergids van elke vak voorsien.
   -  Ouers en hulpsentrums sien self kwartaal 1, 2 en 3 se toetse na.
   -  Impak verwerk die eindeksamen en jaarpunte en reik 'n geldige rapport vir graad 1 tot 11
      uit.
   -  Indien die jaarpunte met meer as 15% van die eindeksamen¬¬uitslag verskil, verval die
      jaarpunt en tel slegs die eindeksamenuitslag.
   -  Hierdie maatreël verseker die integriteit van Impak se rapporte.
   -  Alle eksamens vanaf graad 1 tot graad 11 word tuis, of in Impak se hulpsentrums,
      afgeneem.
   
   
5. Psigometriese toetsing en hulp met studiemetodes en vakkeuse
   -  Dit is vir Impak van groot belang dat leerlinge die regte vak- en beroepskeuses sal maak!
   -  Die dienste van gegradueerde beroepsvoorligters en geregistreerde psigometriese
      evalueerders word tot die Impakkers se beskikking gestel.
   -  Die dienste word teen 'n spesiale tarief, wat net aan ingeskrewe Impak-leerlinge 
      beskikbaar is, gelewer.
   -  Konsultasies en toetsing sal slegs per voorafgereëlde afspraak kan geskied.
   
   Om van enige van die dienste gebruik te maak en vir tariefinligting, skakel vir Neels Beyers by ons kantoor.
   
   
6. Sosialiseringsdiens
   Mnr. Neels Beyers en sy vrou, Madelein, is aangestel om Impak se Afdeling vir Sosialisering en Geestelike Ontwikkeling te bedryf.
   Hierdie afdeling sien om na:
   -  avontuurkampe;
   -  leierskampe;
   -  matriekafskeid;
   -  staptogte, uitstappies en familiepret;
   -  sportdae vir winter- en somersportsoorte;
   -  kultuuraktiwiteite; en
   -  die inskakeling van Impak se sport- en kultuurpresteerders by erkende instansies.
   
   Om koste en tyd te bespaar vind die avontuur- en leierskampe gelyktydig met die ouerkongres op dieselfde terrein plaas.
   Ons maak voorsiening vir afsonderlike Impak-kampe en Delta-kampe. Kies self by watter van die volgende kampe u kinders sal tuis voel:
   
   -  kampe met 'n Christelike, Afrikaanse en Afrikanerkultuur-strekking;
   -  kampe met 'n Christelike, maar inklusiewe karakter;
   -  kampe wat gerig is op die behoeftes en belange van tuisleerlinge;
   -  kampe wat gerig is op die behoeftes en belange van sentrumleerlinge.
   
   
7. Kongresse, kampe, winter- en afrondingskole
   -  Impak poog om gereeld streekskongresse in Gauteng, die Wes-Kaap, die Noord-Kaap en
      Namibië aan te bied.
   -  Hierdie kongresse lig ouers in en lei ouers op ten opsigte van uiteenlopende aspekte van
      tuisonderwys.
   -  Tydens hierdie kongresse ontmoet die kinders en vakadviseurs mekaar in lewende lywe.
   -  Die winterskool vind gewoonlik tydens die midjaarvakansie plaas.
   -  By die winterskool word daar op Wiskunde, Fisiese Wetenskap, Rekeningkunde, tale en
      praktiese komponente van die tegniese vakke gefokus.
   -  Die kongresse vind op Impak se Waterbergplaas en by terreine in die Wes-Kaap, die
      Noord-Kaap en Namibië plaas.
   -  Die winter- en afrondingskool word slegs op Impak se Waterbergplaas aangebied.
   -  Impak-kliënte (ouers en leerlinge) wat ingeskryf is vir die standaardpakket woon Impak se
      kongres en kampe teen 'n baie spesiale tarief van R70 per kop per nag/dag/gedeelte
      daarvan by.
   
   
   Hierdie tarief sluit die volgende in:
   -  die aanbiedingskoste;
   -  al die etes en verversings; en
   -   verblyf (tentekamp of vaste akkommodasie)
   ('n Kongres van 3 dae en 2 nagte, met 5 etes kos 'n totaal van R 210 per kop; 'n winterskool
   van 5 nagte, 6 dae en 15 etes kos R 410 per kop!)
   
   
   Uitgesluit is die volgende:
   -  vervoerkoste; en
   -  kostes vir materiaal, voorraad of ekstra toerusting wat dalk vir 'n praktiese of tegniese vak
      benodig word.